عد ربعك

Collapse
X
 
  • الوقت
  • عرض
Clear All
new posts
  • الأسير
    عضو فعال

    • Jun 2001
    • 208

    #1

    عد ربعك


    قِم تلفت دون ما تصدر كلام=عِد ربعك كم فيهم طيبين

    لا يغرك لو يزيد الاهتمام=بـِد يوم ٍ فيه عنك مدبرين

    لا يغرك كثرهم والازدحام=لو جنوب ٍ رحت راحو مشملين

    والله اني قبل عهد الاحتلام=اقيم الرجال من نظرات عين

    قبل ذاك اليوم عضيت البهام=محسن النيات في شخص ٍ رزين

    كنت اماري كنت اقول انه سنام=وخابت الهقوات في عرق الوتين

    لو وزنت الرجل وزن ٍ بالجرام=ما ارتفع بالوزن لو انه سمين

    يرتفع بالعين من هو بالانام=بعد رب البيت له وقفة معين

    فيه رجال ٍ ما تعد الا ركام=وفيه رجال ٍ بالمواقف ثابتين

    فيه رجال صدورها ضد السهام=بالمواقف كلهم درع ٍ حصين

    كل منهم خابرينه ما يضام=وعادة للحر يندى له جبين

    تحسب العدوى تجيك من الجذام=ما تجيك الا من الشخص اللعين

    ان دخل في مجلس ٍ صار انقسام=في لسانه دوم شر المسلمين

    مثل هذا جعل تاتيه السهام=والمنايا تطلبه في كل حين

    جعل عوده ينصرم قبل الصرام=جعل ماله فوق وجه الارض عين

    خابرين الكلب ذيله ما استقام=لو يعود العود بالدنيا جنين

    وانت خلك حذر يا ولد الكرام=من سليط ٍ يشتكي منه القرين


    الشاعر : يحيى بن شيبان






    إعذريني ترى ماعاد تجدي الحلول...نافذ الصبر لو سلّم سلاحه شجاع
  • قلم على الطريق
    مساعد المدير العام لشؤون المنتدى

    • Nov 2010
    • 4589

    #2
    قبل ذاك اليوم عضيت... البهام
    محسن النيات في شخص ٍ رزين

    كنت اماري كنت اقول انه سنام
    وخابت الهقوات في عرق الوتين


    الله الله
    ياسلام عليك ياشاعر المنتدى
    هذه الابيات يصفق لها اعجابا وتقديرا
    تبيع هالبيتين يالاسير؟
    لي معهم شأن
    ههههه
    صح صح لسانك مدد بلا عدد
    ودي واحترامي

    تعليق

    • الأسير
      عضو فعال

      • Jun 2001
      • 208

      #3
      صح بدنك يالامير

      شاكر مرورك
      إعذريني ترى ماعاد تجدي الحلول...نافذ الصبر لو سلّم سلاحه شجاع

      تعليق

      جاري العمل...
      X