افتتاح صالون ساندروز للتجميل ( مكياج فقط )

الرد: افتتاح صالون ساندروز للتجميل ( مكياج فقط )

يا هلا ولله بأختنا (ثوب نشل ) في منتدانا العزيز ..

وبداية موفقة ان شاء الله .. وانشاء الله نستفيد منك وتفيدينا ..

واوعدك اذا كان عندي اي استفسار بخصوص المكياج راح استشيرك ..

وكل عام وانتي بخير .. وحياك الله معانا ..

مع التحية لكِ

الرد: افتتاح صالون ساندروز للتجميل ( مكياج فقط )

حتى انا اذا كان عندي اي استفسار عن المكياج ماني متردد هههههههههههههههههههههه


طيب ماعندك خبره في الشعر والله جد

الرد: افتتاح صالون ساندروز للتجميل ( مكياج فقط )

اهلا وسهلا بخبيرة المنتدى ونحن سعداء بافتتاح صالون ساندروز والله مبادرة طيبة منك وانشاء الله تنال استحسان الجميع والمهتمين كثير وانا منهم انشاء الله نستفيد من خبرتك وانشاء الله سنتبت الموضوع لكي يستفيد منه الكل وتستطيعين الاجابة على كل الاسئلة والله يوفقك

الرد: افتتاح صالون ساندروز للتجميل ( مكياج فقط )

undefined

الرد: افتتاح صالون ساندروز للتجميل ( مكياج فقط )

مرحبا أختي و يا هلا ...
شرفتينا ...

و أتمنى إنج ما تنسينا من العروض الخاصة

سوزي...

الرد: افتتاح صالون ساندروز للتجميل ( مكياج فقط )

يا هلا فيج اختي سوزي ... يلا كوني اول زبونه واستفيدي من العروض الخاصه ... وين اسئلتج انا في انتظارها ...

الرد: افتتاح صالون ساندروز للتجميل ( مكياج فقط )

هلا بأختنا ( ثوب نشل ) ..

في البداية راح اسئلك سؤال بسيط .. ما هي افضل ماركات للمكياج ؟؟

ومع التحية لكِ ..

الرد: افتتاح صالون ساندروز للتجميل ( مكياج فقط )

هلا ان نور ....

حياتي ماركات المكياج كثيره وعندج نوعين اساسيين المائي والعادي الباودر

المائي احلى ماركتين هم كريولاين وbn

اما العادي عندج ماك ( اساس وشدو وارواج )

كينيبو ( الاساس )

فور ايفر ( كل شي حتى الفرش )

وانتي حسب اللي تفضلينه .. انا استخدم في المكياج الماركات هذي ووايد مريحتني ومريحه اللي امكيجهم وماعطتني النتايج اللي ابيها .. وعندج البشرة المخمليه الطافيه اللي الكل يبيها مثل المطربات اللبنانيات هي عباره عن مجموعه مستحضرات من هذي الماركات ...

ولا تنسين شارمل .... بس للاسف مو موجوده غير بالكويت .. هذي الماركه وايد حلو كريم اساسها خصوصا اذا خلطتيه مع كريستان ديور السائل ..

... وياهلا فيج مره ثانيه

الرد: افتتاح صالون ساندروز للتجميل ( مكياج فقط )

المشرفه الفاضله مادلين ... ياليت والله ان الموضوع يتثبت علشان الكل يستفيد ....

الرد: افتتاح صالون ساندروز للتجميل ( مكياج فقط )

هلا ومرحبا .. مثل ما وعدتكم باحط لكم مقتطفات من الاسئله اللي اسالوني عنها البنات في المنتديات الثانيه ... وهذا على سبيل المثال لا الحصر ...

س : السلام عليكم

أنا خبرتي بالمكياج بسيييييييييييييييييطه .. وتعبت وأنا أشتري مكياج وماينفع معاي
أنا بشرتي دهنيه واايد وخاصة الأنف .. وبشرتي كلها مسامات .. أبغي مكياج يبين طبيعي يوم أحطه .. وبعدين أبغي روج ثابت .. يعني يوم أحطه وآكل أو أشرب مايروح .. هل هناك ماركه معينة .. ومشكورييييييييييييين

ج :اولا لازم تكثرين من الفاونديشن مكان المسامات الواسعه ...وانتبهي ان الفاونديشن اللي تختارينه لازم يكون من الدرجة الطافيه ( المات ) واذا تبين مكياج طبيعي حطي الاوان الترابيه مع الوردي...
وبالنسبه للروج توجد انواع كثيره ما تروح بسهوله بس انها ما تطير ابدا لمده ست او سبع ساعات ما اعرف... بس انصج ما تستخدمينها لانها تقطع الشفايف ...

وتحياتي ...


س : مشكلتـي هي

ان اناا لما احط الكريم اساس عادي مااحس انه ثقيل بس لما احط البودرة مع اني ماكثر منها لكن احس اني كني وااايد حاطه

مع اني ماااحط وايد

واخذ البودره اقل من بشرتي بدرجة

شسوي




ومشكورة اختي


ج : الجازي .... اعتقد انج تقصدين البودرة المضغوطة ... شوفي حبيبتي اذا بشرتج صافيه حطي بودرة حرة فوق الاساس .. وبعد ما تتمكيجين كامل حطي بودرة مضغوطه بس فوق المكان اللي يحتاج انج تخفينه يعني مو بشرتج كلها او اذا لاحظتي ان بشرتج اوكي بالحرة ما في داعي تحطين بودرة مضغوطة ... ونحياتي ...


س : الغاليه انا بشرتي فيها مناطق دهنيه ومناطق جافه

لما احط كريم الاساس ما تكون صافيه ابدا وش الحل؟

عيوني لوزيه بس صغيره معرف كيف اسوي لها الاي شدو اللي يكبرها

ولاي لاينر ما احب احطه؟

تسلمين

ج: بالنسبه حق الكريم الاساس المشكله مش فيه المشكله عندج في البشره اعملي تقشير بسيط لها بالزيت والليمون مرتين في الاسبوع لمده اسبوعين بعدين يوميا استخدمي كريم beean يوميا بالليل وبعد اسبوعين بتلاحظين ان بشرتج صافيه كلها وبلون واحد ونعومه وحده ... والكريم موجود في الصيدليات والجمعيات ...

وبالنسبه للمكياج حطي الشدو كامل على محيط العين لون واحد بس وبعدين سيحيه للخارج وخليه في خط مستقيم مع الرموش السفليه بس احلى بكثير لو حطيتي اي لاينر تحت وفوق بس من تحت لا توصلينه للزاويه الدخليه علشان ما تطول عيونج زياده ... زاذا تبين تعرفين الشكل بالضبط شوفي مذيعه LBC اللي تقدم برنامج الحدث هي دائما تحط بهذي الطريقه ... لان عيونها لوزيه الشكل ...


وهذا غيض من فيض وانشاء الله بارد على اسئلتكم ... وانا في انتظاركم

الرد: افتتاح صالون ساندروز للتجميل ( مكياج فقط )

اشكرك اختي ثوب نشل عالرد ..
ومع التحية لك .

الرد: افتتاح صالون ساندروز للتجميل ( مكياج فقط )

ياهلا ويا مرحبا باحط لكم اليوم صورة وطريقه عملها انشاء الله تكون سهله عليكم وتعجبكم ....



طريقه العمل :


1- تحددين الحواجب وترتبينها ..

2- تضعين شدو لؤلؤي ( منثور ) من فور ايفر تحت الحاجب مباشره ويفضل استعمال اصبع السبابه ...

3- بالقلم الكحل الاسود ترمين خط عريض فوق الرموش العلويه ثم تسيحينه بفرشاه او اصبعك على الجفن العلوي المتحرك فقط ..

4- ثم ترسمين خط داخل العين بالقلم الاسود ... لا تخافين يمكن يسيح عندج شوي مش مشكله هذا مطلوب في هذا المكياج

5- بالشدو الاسود من ماك تبللين صبعج بشوي من الماي وتاخذين الشدو وتحطينه على الجفن المتحرك وبعدين تمسحين ايدج عن الماي وتاخذين بعد من الشدو بالفرشاه وتحطينه عليه ( يمكن تقولين ما يتوزع عدل ما عليج بعد شوي بيتوزع ) ..

6- بعدين بصبعج وليس بالفرشاه تاخذين من اللون البنفسجي من اي ماركه على راحتج او حتى ممكن اي لون ثاني وتركزين صبعج على نص الثنيه اللي بين الجفن المتحرك وعظمه الحاجب
وتبتدين توزعين اللون يمين ويار وبعد ما تنتهين من التوزيع فوق ..
تاخذين من الشدو البنفسجي بالفرشاه الجافه وتفضل ( s4 ) من فور ايفر وتحطينه على الخط اللي عملتيه تحت العين اللي بالقلم الاسود ...

7- واخر شي ترتبين الخطوط بالمسح عليها بالاصابع وبعدين تمسحين حوالين عينج بالبودرة المضغوطه ( بدددددددددون ماااااااي ) ..

وتحياتي لكم ....

الرد: افتتاح صالون ساندروز للتجميل ( مكياج فقط )

الرد: افتتاح صالون ساندروز للتجميل ( مكياج فقط )

كيف حالك يا أختي ( ثوب نشل ) .. كل عام وانتي بخير ..
عندي سؤال لك يا عزيزتي ..
اذا كانت العيون ناعسة قليلاً .. فماهي انسب وافضل طريقة لوضع المكياج لها ..


مع التحية لكِ ..
وكل عام وانتي بألف خير ..

الرد: افتتاح صالون ساندروز للتجميل ( مكياج فقط )

شكرا لك اختي ثوب نشل
واتمنى لكم التوفيق اخواتي العزيزات

الرد: افتتاح صالون ساندروز للتجميل ( مكياج فقط )

الرد: افتتاح صالون ساندروز للتجميل ( مكياج فقط )

السلام عليكم

وكيف الحال

إصراحة الفكرة وايد حلوة وهي إلي خلتني أشترك في المنتدى وأتمنى إنها تستمر.

عندي سؤال إذا مافي مانع على الإجابة....

سمعة عن كريم أساس إسم IGIA مادري إذا سمعتي عن ولا لاء هو مثل مايقولون إن يخفي جميع العيوب في البشر و يستخدم كذلك للجسم ومايحتاج بودرة ف بغيت أعرف إذا كان إستخدامه جيد ولا لاء.

هذا شي والشيء الثاني إنتي ذكرتي خلطة من الزيت والليمون توظع على البشرة بغيت أعرف شو المفيد فيها وليش تستخدم وشو هو الزيت المفظل للإستخدام.

مع جزيل الشكر والتقدير...........

والسموحة إذا طولنا عليج........

الرد: افتتاح صالون ساندروز للتجميل ( مكياج فقط )

شكرا يا اخت ثوب نشل)

على الموضوع الجميل ونتمنا ان نستفيد من مواضيعك.............

الرد: افتتاح صالون ساندروز للتجميل ( مكياج فقط )

حياك الله يا أخت ثوب نشل ترا الاسم وايد حلو يذكرنا بالماضي اللي الكثير تناسوه (عتيج الصوف ولا جديد البريسم) تعرفين المثل


طبعا هذا الموضوع ليس من أختصاصي ولكن حبيت ان اضيف فقرة الى هذا القسم الخاص بالمكياج طبعاً مكياج خفيف الوزن وثقيل بالمعنى

تقبلي منى احترامي وتقديري












كحلي عينيك بعدم النظر إلى الحرام.



ضعي على شفتيك روجا" احمر يمنعك من الكذب والغيبه.



ضعي على وجهك كريم أساس من الإسلام والأحكام الشرعيه.



مسكري ( ضعي ماسكارا ) رموشك بالدموع عند ذكر الله خوفا من ناره وعذابه.



اصبغي أظافرك بماء الوضوء الدائم.



سرحي شعرك بالحجاب غير الفاتن.



مارسي رياضة العباده بكثرة السجود والركوع حفاظا على رشاقة جسمك.



البسي ثوب الحشمه المكسي الطويل المطرز بالأعمال المستحبه.



حني يديك بالدعاء وارفعيها إلى السماء حتى يستجيب الله لك.



بهذه الأخلاق اضمن لك بأن تكوني أجمل فتاة في العــالـم