(ولا يطيب للناس من للنفس ما طابي) - عبدالعزيز بن سعود المتعب

عبدالعزيز بن سعود المتعب

رد خاص:

الأخ نايف العصيمي - الطائف:

بعض ما يتم تداوله في وسائل التواصل الاجتماعي مع الأسف غير صحيح لأسباب يطول شرحها وعليه فإن البيت الذي نسبته لغير شاعره هو للشاعر شريّف الفريدي الحربي من قصيدة منها قوله:

لو كل غلطه على الصاحب نسجلّها

فقدت ثلثين من مجموعة أصحابي

لكن نطوّف هذيك وذيك نجلّها

ولا اقول وش قال زيد اليوم بغيابي

أشيل زلّة رفيقي وأتحملها

ولا اركض ورى كل فارغةِ بمشعابي

أشوف وأصد واسمع وأتجاهلها

وأجحد مدى غيض قلبي وأملك أعصابي

وأرجع عسى صاحب السيّه يبدلها

لا شافني عن طريقه قافلٍ بابي

والاّ ترى كل كلمة لو تحللها

تطلع بوجهين من سلبي إلى إيجابي

واللّي يبي المشكله دايم يحصّلها

يا صعب درب الوفاء ويا هون الأنشابي

وسيرة هل الطيب ما اهونها وما اسهلها

لو إنها بالعلوم وفتل الأشنابي

لكن تجي ساعةٍ تبيّن إعللها

لا صار وقت اللزوم وحزم كلاّبي

والهرجه اعرف عواقبها وكايلها

قدّام تعطي هدفها وانت بالنابي

والنفس ما يعزّها يا كود شايلها

(ولا يطيب للناس من للنفس ما طابي)

وتلقى من الناس مثل اللّي تعاملها

وإلى اختلف شيء تلقى منك الأسبابي

ومنها قوله:

والكلمه اللّي انت منها تستحي قلها

ترى اليا اخطأ سنان الرمح ما صابي