محمد الشمري يكتب عن .. فيزا بنغلادش وسويسرا

الواحد مش (سيعاه) الفرحة والله لو اعرف ازغررط عملتها .
‎المعاق : انا اقترح ان الشايب هو اللي يرقعها زغروطة !.

‎الشايب : على حسب المشتهى يابوك !.. خير ياخبير العلم وشعندك اطرب أسماعنا باجمل مواويلك العذبة !.
‎الخبير : يا عّم الحاج خبر الموسم وكل موسم .. بيقولك الشيخة حسينة بتاعة بنغلادش قدمت شكرها لدولة الكويت على استضافها لإعداد كبيرة من مواطنيها على أراضيها .. وكمان أعربت عن خالص تقديرها وتشكراتها لتوقيع اتفاقية الاعفاء من التأشيرة للدبلوماسيين وحاملي جوازات السفر الخاصة .. يالله افرحوا وهيصوا يا كوايته مافيش فيزا وهنيالك يا فاعل الخير .

الشاب : لا حول ولا قوة الا بالله الضاهر ان الخبير فقد شخصيته الخبيرية وأصبحت عقليته عقلية اي شخص عادي ؟.
الخبير : ليه فين مكمن الخطاء اللي انا ارتكبته ياعم الشباب كلهم ؟.
الرجل : الاعفاء كما زفيته لنا كا سبق صحفي ما يخصنا حنا يالمواطنين هذا يخص الدبلوماسيين وأهل الجوازات الخاصة خلف الله خلف المحامي على نبهتك يا خبير .
الخبير : تايم أوت يا جماعه سيبوني ارجع للخبر أتأكد !.

الشاب : والله ماني عارف هل حنا مواطنين بالكويت او جالية نيكاراغوية ؟.. اشوف الحكومة ومجلسها الموقر شادين حيلهم لا اصحاب الجوازات الخاصة والدبلوماسية !.. كل فترة يطّلع لنا خبر جديد عن إعفاءات الفيزا لعلية القوم والمواطن يقولون دوره بعدين ومع قادم الأيام !.. شي يحير الموضوع اذكر قبل كم شهر سمعنا عن اتفاقية مع سويسرا لاعفاء حاملي جوازات السفر الدبلوماسية الكويتية وجوازات السفر الخاصة من الحصول على تأشيرة لدخول سويسرا .. وعقبها بأيام تناقلت وكالة الأخبار والجرايد خبر عن رئيس مجلس الأمة سعي لإعفائهم من الشنغن الأوربي وذكر بان دور المواطنين قادم مع مرور الوقت وماندري كم يطول مرور الوقت .

الشايب : يابوك اكل عيش هذي مصالح اكبر من مستواك ومستوي المواطن العادي !.. ماتقولي ليه أنتم حاطين دوبكم ودوب أهل الجوازات الخاصة والدبلوماسية ؟.. اللي يسمعك بيقول انت من اللي دابلين جدد أهل بنغلادش بالسفر احمدوا ربكم على طلوع الفيزا لكم بكل سهاله ويسر غيركم مايشوفها بجوازه مجرد شوف فعلا أنتم شعب طماع وما للصبر مكان عندكم .. الناس يقولون اصبروا تبشرون بالخير كلها كم سنه وأنتم راكبكم شيطان العجلة وهذي نصيحة من شايب لوعته الليالي والايام .
المعاق : والله الحجي ينشك بأمره الظاهر ان عنده جواز منهم ؟.. وإلا صايبته سخونه البارح !.

الخبير : بيني وبينكم وقبل مايسمعنا الحاج الراجل العجوز ده عنده شيزوفينيا بالطحال وهي اللي مكبره خشب الورد عنده .

المتمولس : مشكلة الناس اذا تعودوا انك ماتزعل خلاص يحسبونك خيشه .. وفي هذه الأثناء رفع على مسامعنا الشيخ زغلول اذان الظهر .

محمد خلف